Imbruglia e emocionuar me këngën e shkruar nga Chris Martin

Natalie Imbruglia ka pranuar se sa nuk kishte shpërthyer në vaj nga kënga e “mrekullueshme” që frontmeni i bendit “Coldplay” Chris Martin ka shkruar për të.
Këngëtarja e njohur për hitin e saj botërisht “Torn” ka thënë se ishte pushtuar me emocione kur e kishte dëgjuar këngën “Fun” të shkruar nga Chris Martin e cila do të paraqitet në album e saj të radhës të titulluar “Come To Life”.

"Jam shumë fatlume që e kam këtë këngë. Kur shkova në studio ai më tha, ‘e kam përfunduar këngën’, dhe ma këndoj, gati sa nuk shpërtheva në vaj sepse ishte aq e mrekullueshme”, ka thënë Imbruglia.

"Është e thjeshtë dhe jo e ngarkuar, por edhe e lezetshme në të njëjtën kohë. Përmban diçka me të vërtetë emocionale dhe mendoj se të bën për vete menjëherë," ka shtuar Imbruglia.