Lojtarët e Barcelonës çmenden pas Fabregasit

Sulmuesi i Barcelonës David Villa insiston se do të japë maksimumin nga vetja që të bind mesfushorin Cesc Fabregas të braktisë Arsenalin për t'iu bashkuar atij në Barcelonë, njofton të premten "goal.com". "Unë nuk jam trajner dhe personi përgjegjës për t'i bërë ftesë Fabregasit, por personalisht do të bëj maksimumin për ta sjellë atë në Barcelonë. Ardhja e tij do të ishte mrekulli. Cesc do t'u ndihmonte Xavit dhe Iniestës në mesfushë, kurse unë do të shënoja më shumë gola", ka thënë Villa. Skuadra londineze Arsenal ka refuzuar ofertën fillestare të Barcelonës në vlerë prej 25 milionë funtesh.