Ferguson: Chelsea di gjithçka për ne

Menaxheri i Manchester United, Sir Alex Ferguson, e di se ata do të përballen me një rrezik të ri për ndeshjen e sotme të Ligës së Kampionëve ndaj Chelseat.
Strategu skocez thotë se është më vështirë të luash kundër një ekipi anglez se sa kundër një ekipi tjetër evropian në Ligën e Kampionëve, pasi ekipet angleze janë më të familjarizuar me ambientin në Old Trafford.

“Kur këtu vjen një ekip anglez është diçka më ndryshe, Edhe pse Juventusi dhe Milani kanë luajtur këtu disa herë gjatë viteve, lojtarët e Chelseat janë këtu çdo vit”.

“Në këtë aspekt, ka një familjarizim. Stadiumi, madhësia e fushës, kushtet e fushës, të gjitha këto gjëra janë në favor të tyre krahasuar me ekipet tjera evropiane”, ka thënë Ferguson.