ARM mbretëron pas 2013-ës?

Sipas analistëve të ABI Research deri në vitin 2013 x86 akoma do të jetë procesori më i shfrytëzuar në botë, por në këtë pozitë do ta zëvendësojë arkitektura ARM.
Bëhet fjalë për procesorët e vegjël dhe kursyes të cilët sot gjenden kryesisht në pajisje e ashtuquajtura ultra mobile si telefonat mobilë dhe playerët e ndryshëm medialë. Sipas parashikimit, aparatet smartphone, MID dhe pajistje tjera të ngjashme mobile do t'i marrin gjithnjë më shumë hise tregu kompjuterëve dhe laptopëve klasikë, kështu që edhe analistët e ABI Research konkludojnë që ARM do të depërtojë në pozitën e parë sa i përket popullaritetit mes procesorëve.
Natyrisht, këto parashikime mund të realizohen me kusht që Inteli dhe prodhuesit tjerë të procesorëve rrinë duarkryq dhe vendosin që të mos ndërmarrin asgjë sa i përket kësaj çështje.