Largohen Mimoza dhe Anjeza

nga **X-man** Sun May 10, 2009 1:03 pm

Mimoza dhe Anjeza kanë qenë banoret e radhës që kanë lënë shtëpinë e famshme Big Brother, e cila solli emocione dhe befasi edhe në spektaklin e mbrëmshëm.
Banorja e vetme kosovare ishte e para që u eliminua, pasi publiku vendosi për të në mesin edhe të dy konkurrentëve tjerë të nominuar, Adelajdës dhe Qetsorit.

Më pas, Big Brother vendosi të kishte edhe një eliminim të dytë, dhe nga dy të nominuarit, Arjoni dhe Anjeza, pas disa minutash votime, publiku vendosi që e eliminuara e radhës të ishte Anjeza.

Pesë finalistët e mbetur në shtëpi, të cilët vetëm edhe për një javë do të garojnë për të arritur tek çmimi i 70 mijë eurove, janë Adela, Adi, Bjordi, Qetsori dhe Arjani.

Surprizat e mbrëmjes

Befasia më e madhe e spektaklit të mbrëmshëm ishte telefonata që Bjordi pranoi nga babai i tij, të cilin kurrë nuk e kishte njohur. Për shqiptarin e rritur në Itali, gjithë kohën ishte kujdesur nëna e tij, Antoneta.

Pasi foli për disa minuta pas 19 vitesh, Bjordi ishte shprehur se ndjehej i lumtur dhe se shpresonte mos ta zhgënjejë të atin, i cili i kërkoi falje publike që kishte braktisur atë.

Befasia e dytë ishte futja në shtëpi edhe e nënave të banorëve të mbetur aty, të cilat do të jenë pjesë e përvojës së kësaj shtëpie të famshme për pak ditë. Për to është ndërtuar edhe një dhomë e veçantë.

Duket se java e fundit e Big Brother do të sjellë momente edhe më interesante.