Getoari me dashuri të re në Tiranë

Vizitat e shpeshta të Getoar Selimit në Tiranë nuk janë vetëm për koncerte, por më së shumti siç ai vetë e thotë: “Për qejf”. E për momentin arsyeja e vërtetë është Helena Metka, vajza shtatlartë nga Tirana, me të cilën ai po jeton një lidhje të vërtetë dashurie, e për të cilën udhëton nga Prishtina drejt Tiranës shumë shpesh.

Helena është 19 vjeç, ndjek studimet për inxhinieri mjedisi në Universitetin Politeknik, dhe është njohur me Getoarin në Tiranë më shumë se tre muaj më parë.

Ka qenë një takim rastësor në një nga lokalet e njohura të Tiranës, edhe pse vajza nuk ka asnjë lidhje me muzikën apo artin. Që nga ajo ditë flirti, për Getin nuk ka qenë fare problem që ta marrë me vete dhe të shoqërohet haptaz me të pa u stepur aspak nga frika e fotografimit nga paparacët. Madje ai e ka prezantuar si të dashurën e tij para disa javësh pikërisht në daljen e tyre të parë publike si çift në club “Venue”, ku ishte I ftuar të këndonte me këngëtaren Soni Malaj, me të cilën kishte patur patur më parë një bashkëpunim me klipin “Më merr”. Në tavolinën ku ishte ulur, në krah të Getit i veshur me këmishë të bardhë e kravatë të kuqe ra në sy prania e Helenës, vajzës me sy të shkruar. Këngëtari I grupit “Tingulli trent” I njohur për bashkëpunimet e tij me këngëtare të njohura, që nga Nora Istrefi, Çiljeta, Genta Ismajli, Elvana Gjata shpeshherë është përfolur për lidhje me ndonjë prej këtyre këngëtareve. Por mbase vajzat e skenës kanë qenë një zhgënjim për këngëtarin 26-vjeçar, i cili këtë herë ka synuar të krijojë një histori ndryshe, me një vajzë që nuk është personazh publik.

Kjo mbase edhe për t’u shpëtuar thashethemeve apo kokëçarjeve mediatike. Por për aventurierin karizmatik Geti e rëndësishme është të mos flasë vetë për jetën private, dhese çfarë shkruajnë mediat për të nuk përbën problem. Ndaj ne vendosëm t’ia shkruajmë historinë e kësaj lidhjeje të re për të cilën ai nuk lodhet aspak ta fshehë. Vetëm disa ditë më parë, pikërisht më 1 Maj Getoari ka ardhur të takojë Helenën, me të cilën ka qëndruar pothuaj gjithë kohën bashkë për pak ditë.

Ata janë parë duke drekuar në disa restorante të njohura, ndërsa në fundjavë tek “Magic 4” karaoke. Helena është një vajzë trupgjatë, e cila mbase as mund ta kishte menduar të ishte pranë Getoarit, vetëm për faktin se ajo vazhdon studimet për Inxhinieri Mjedisi dhe nuk ka qenë kurrë e angazhuar me artin dhe as nuk ka ndonjë plan. Mesa thuhet vizioni i saj është të bëjë një jetë ndryshe me projekte serioze. Ajo ka jetuar për disa vite në Turqi së bashku me familjen, dhe ka pak kohë që është kthyer në Tiranë. Kjo është dhe një nga arsyet që ajo përpiqet ta ruajë të fshehtë lidhjen e saj me reperin kosovar.