“Ti, tani”- klipi i ri i Adrian Gaxhës

Këngëtari shqiptar nga Shkupi, Adrian Gaxha, ka realizuar videoklipin e këngës "Ti tani", i cili shumë shpejt pritet të publikohet në televizione.
Këngëtari ka paralajmëruar se videoklipi është i thjeshtë dhe përmban shumë koreografi. Me këngën “Ti tani”, këngëtari ka marrë pjesë në festivalin “Top Fest 6”, ku edhe ishte nominuar për natën finale, e cila u mbajt të dielën mbrëma, por ai nuk ishte i pranishëm fare.

Gaxha ishte nominuar në kategorinë “Best male”, çmim ky të cilin e fitoi këngëtari kosovar, Blero. Ndryshe, mësohet se Adriana Gaxha ka realizuar një duet me këngëtarin kosovar, Ramadan Krasniqi – Dani. Dueti pritet të publikohet së shpejti.