Longoria dëshiron të portretizojë aktoren meksikane

Eva Longoria Parker ka thënë se ajo planifikon ta sjellë në ekran jetën e yllit meksikan të filmit, Maria Felix.
Ylli i serisë “Desperate Housewives” thotë se ajo gjithmonë kishte dashur ta luajë rolin e Felix, e cila vdiq në vitin 2002 në moshën 88-vjeçare.

Dhe Longoria Parker e thekson prejardhjen e saj meksikane si një prej arsyeve pse është aq e vendosur ta sigurojë këtë rol.

“Do të më pëlqente ta adaptoj tregimin mbi Maria Felix. Mendoj se ajo është një ikonë e kinemasë meksikane, dhe do të më pëlqente ta sjellja tregimin mbi jetën e saj. Jam shumë krenare që jam meksikano-amerikane, andaj dua ta shfaq atë sa më shumë që mundem”, ka komentuar aktorja.