Edhe Dritani në listë për deputet

Skema e re e votimeve në Shqipëri, ku vota hidhet për partinë, por deputetët bëhen sipas radhës në listë, i ka shtyrë partitë e vogla të “peshkojnë” djem e vajza, të cilët për një arsye apo për një tjetër mund të mbledhin vota, të cilat partitë nuk mund t’i marrin me asnjë mënyrë tjetër.
Ndërsa ku ka mënyrë më të mirë për të fituar votat sesa shfrytëzimi i pjesëmarrësve në shoun real "Big Brother", të cilët shumë shpejt kanë krijuar një famë dhe janë të pëlqyer nga njerëzit.

Pas Qetsorit dhe Adit, të cilët tashmë janë zyrtarisht në listat e kandidatëve për deputetë, i pari për PDK-në në Vlorë dhe tjetri për G99-ën në Tiranë, të martën ka arritur edhe një tjetër njoftim: Një konkurrent tjetër, i cili ka qenë pjesëmarrës në "Big Brother", Dritani, është në listën e deputetëve të LSI-së për Gjirokastrën.