Fama e Sorit shtrihet edhe në Itali

Fituesi i "Big Brother Albania 2", Qetsori, i cili aktualisht gjendet në Itali për t’i rinovuar dokumentet e qëndrimit, është duke e shijuar famën edhe atje.
“Top Channel” njofton se gazeta italiane “Regione Umbria” ka bërë një intervistë me Sorin dhe ia kushtuar pothuajse një faqe vlonjatit.

“Perugia është një qytet që më pëlqen të rris fëmijët e mi. Jam i dashuruar pas këtij qyteti të ri, po njëkohësisht edhe antik”, thotë Qetsori në intervistë.

Ne faqen kushtuar fituesit të “Big Brother”, shkruhet me detaje se kush është Qetsori, nga vjen, çfarë ka bërë në jetën e tij dhe cilat janë dëshirat dhe ambiciet që ka ky personazh tashmë i njohur jo vetëm brenda kufijve të Shqipërisë.