Qetsori tregohet i zgjuar

Ndoshta Partia Demokristiane ka planifikuar ta shfrytëzojë famën e fituesit të "Big Brother Albania 2", për të grumbulluar sa më shumë vota, mirëpo nuk do t’ia hedhë aq lehtë Qetsorit.
Të enjten Qetsori, i cili është kthyer nga Italia, është parë duke hyrë në zyrat e PDK-së në Tiranë për t’u takuar me kryetarin e kësaj partie, Nard Ndoka, shkruan “Shekulli”.

Qetsori është përfshirë në listën e deputeteve të PDK-së në qarkun e Vlorës, mirëpo me sistemin e ri zgjedhor, emrat e parë në listën e një partie zgjidhen deputetë dhe jo ata që fitojnë më shumë vota.

Prandaj, kërkesa e Sorit ka qenë që emri i tij të futet ndër të parët, kështu që tani ai gjendet i dyti në listën e PDK-së, dhe ka bërë një marrëveshje paraprake me kandidatët tjerë për deputet, që nëse zgjidhet së paku një deputet i PDK-së në Vlorë, atëherë deputet do të shpallet ai që merr më së shumti vota dhe jo ai që e kryeson listën.