Jeta > SI nje Hije e zbehur

nga **Serpenta** Sat Jul 04, 2009 4:22 pm

Allahu subhanehu uete’ala ka thënë: O populli im, kjo jetë e kësaj bote nuk është tjetër vetëm se një përjetim i përkohshëm, ndërsa bota tjetër është ajo e përhershmja. (40:39)

Ka thënë pejgamberi salallahu alejhi ue selem:

“Çka kam të bëjë unë me këtë jetë? Shembulli i im dhe i kësaj jete është sikurse shembulli i një kalorësi i cili pushon nen hijen e një peme dhe pastaj vazhdon.”

Ahmedi, Ibn Maxheh dhe Albani e ka paraqitur si të vërtet

Pejgamberi salallahu alejhi ue selem gjithashtu ka thënë:

“Në këtë jetë, bëhu sikurse i huaj apo kalimtarë.”

Buhariu

Abdullah Ibn Umeri (Allahu qoftë i kënaqur me të) ka thënë:

“Kjo jetë për mosbesimtarin është sikurse xhenet dhe për besimtarin sikurse burg. Shembulli i besimtarit kur shpirti i tij ndahet prej trupit të tij, është sikurse shembulli i një njeriu që ka qenë në burg dhe është liruar prej tij, kështu që ai shkon nëpër botë dhe udhëton në tërë atë.”

Sherh Es-Sudur, f. 13

Abdullah bin Aun ka thënë:

“Ata që ishin para nesh (Sahabët dhe Selef Es-Salih) kishin për të lënë për këtë jetë pasi që ishin kujdesur për jetën tjetër. Ndërsa ju në anën tjetër, leni për jetën e ardhshme atë që ka mbet pasi që jeni kujdes për këtë jetë.”

Sifatus-Safuah, vell. 3, f. 101

Fudejl ibn Ijad ka thënë:

“Të hysh në këtë jetë është lehtë, por të ndahesh prej saj është shumë vështirë. (Ai donë të thotë të lirohesh prej mashtrimeve dhe rreziqeve të saja për të mëshira dhe falja e Allahut)”

El-Ihja, vell, 3, f. 224

Habib bin Muhamedi çdoherë i thoshte gruas së tij:

“Nëse vdes sot, thuaj këtij dhe këtij që ta lan trupin tim dhe bënë këtë dhe këtë.” Njerëzit e pyeten atë: “Pse thoshte ashtu, mos ka pa ndonjë ëndërr?” Ajo tha: “Kjo është çka më thotë çdo ditë.”

Sifatus-Sefuah, vëll. 3, f. 320

Muhamed ibn Uasi njëherë ka pyetur:

“Nëse e sheh një njeri duke qar në Xhenet, a nuk ishe çuditur me të qarit e tij? Atij iu përgjigjen në mënyrë konfirmuese. Kështu ai pyeti përsëri: “Çka është edhe më e çuditshme është ai i cili qeshë në këtë jetë, derisa ai është plotësisht i pavetëdijshëm se ku do të jetë destinacioni i tij i fundit!”

El-Ihja, vell. 3, f. 137

Uahd ibn Munabeh ka thënë:

“Shembulli i kësaj jete dhe i jetës tjetër është sikurse shembulli i dy grave kundërshtare, nëse njërën e bënë të kënaqur, tjetra do të hidhërohet.”

Hiljatul-Eulija, vëll. 4, f. 51