Beckham nuk do të pozojë me Jolien

Ylli i futbollit David Beckham ka qeshur me thashethemet se ai do të zhvishet për një reklamë të turpshme me seks simbolin Angelina Jolie.
Pasi Beckham zbuloi reklamën e re të tij ‘të nxehtë’ për markën Emporio Armani, u spekulua se menaxherët e kompanisë së veshjeve dëshironin ta bashkonin atë me Jolien për një kampanjë ekskluzive të pllakateve, por futbollisti i ka mohuar këto.

”Nuk mendoj se kjo është e vërtetë. Mendoj se është diçka e nxjerrë nga shtypi. Ajo është një person i shkëlqyeshëm si edhe Brad Pitt. Ata janë një çift i jashtëzakonshëm, kanë një familje të mrekullueshme. Ju e dini se ajo nuk do ta bënte dhe unë nuk do ta bëja. Në fund të fundit, nuk do ta bëja sepse jam i martuar”, ka thënë Beckham.