Taylor Swift do të performojë në VMA

Ylli i muzikës country Taylor Swift do të performojë në ndarjen e çmimeve MTV Video Music Awards 2009.
Këngëtarja është e para që konfirmohet se do të ngjitet në skenën e ngjarjes më të paparashikuar të ndarjes së çmimeve, që do të zhvillohet më 13 shtator.

“Jam shumë e ngazëllyer që MTV dhe VMA më kanë ftuar të performoj, pasi mendoj se këtë vit shou do të jetë si kurrë më parë. Më pëlqen të inkorporoj teatrin në paraqitjet e mia dhe VMA gjithmonë i ka lejuar artistët të bëjnë këtë. MTV ka qenë aq e mirë me mua dhe unë nuk mund të jem më e ngazëllyer”, ka thënë këngëtarja.