Lori pret sukses nga kënga e re

Loreta Kaçka-Lori është e bindur se kënga e re "Malli po më vret", e realizuar në duet me këngëtarin nga Maqedonia, Shpresim Zylbehari, të pëlqehet nga publiku.
“Bashkëpunimi me këngëtarin nga Maqedonia na ka lindur papritur. Ne jemi takuar disa herë nëpër koncerte dhe kështu që kohë pas kohe Shpresimit i ka lindur ideja për të realizuar një këngë bashkë. Pra, ai më ofroi kërkesën dhe unë me shumë dëshirë pranova që ta realizojmë një duet”.

“Besoj se do të pëlqehet (nga publiku) pasi që kemi realizuar një këngë mjaft të mirë. Kënga quhet ‘Malli po më vret’, muzikën dhe orkestrimin i ka bërë Ardian Kastrati, ndërsa tekstin Arsim Bunjaku. Kemi punuar mjaft shumë në këtë këngë andaj presim suksese”, ka thënë Lori në një intervistë për të përditshmen “Kosova Sot”.

Këngëtarja ka treguar se këngës i është realizuar edhe një videoklip, të cilin e ka punuar produksioni “Fabrika” nga Shkupi, kurse xhirimet janë bërë në Gostivar.