Aurora Susuri i rikthehet këngës

Prezantuesja e KTV-së Aurora Susuri ka paralajmëruar rikthimin e saj në muzikë, me një këngë e cila titullohet “Kurrë më”.
Këngëtarja e cila bëri bujë me hitin “Vetëm 17 i kam”, një kohë të gjatë ka munguar në skenën muzikore, por ajo nuk mund t’i thotë ‘kurrë’ këngës, edhe pse kështu thotë kënga e saj e re, “Kurrë më”.

Me realizimin e ri Aurora kishte bërë plan të marrë pjesë në Top Fest 6, por kënga e saj nuk ishte nominuar për të qenë pjesëmarrëse.

“Kam realizuar një këngë të re, me të cilën konkurrova në Top Fest, por fati deshi të mos nominohem. Sido që të jetë unë kam vendosur t’i realizoj edhe klip kësaj kënge”, ka thënë Aurora Susuri për Infopress.