Aguilera premton album elektronik

Christina Aguilera ka premtuar se albumi i saj i ri do të jetë me tingull më shumë elektronik se sa realizimet e saj të mëhershme.
“Kam pasur disa ide për një realizim më futuristik për shumë vite, por po ashtu kam pasur dëshirë për soul, bluz dhe xhaz. Por e di se duhet ta bëj të parën njëherë”, ka thënë këngëtarja.

“Gjithmonë në pjesën e pasme të mendjes ka qenë të realizoj një zë më futuristik. Por mendova se nuk mund të ketë një moment ose vend më të përshtatshëm për mua personalisht, po ashtu si një nënë, të realizoj një të tillë”, ka shtuar Aguilera.