“Hajt” hiti i radhës i Kaltrinës

Javën e kaluar Kaltrina Selimi është prezantuar me videoklipin e këngës së re, të cilën e ka realizuar në bashkëpunim me kantautorin nga Shqipëria, Flori.
“Kënga titullohet ‘Hajt’ dhe është një këngë e realizuar në Shqipëri. Për tekstin dhe muzikën kam bashkëpunuar ne Florian Mumajesin-Florin dhe jam ndarë mjaft e kënaqur me gjithë realizimin”, është shprehur këngëtarja në një intervistë për “Infopress”.

Kaltrina njofton se Flori e ka kompozuar, orkestruar dhe e ka shkruar pjesën më të madhe të tekstit, derisa një strofë e ka shkruar vetë këngëtarja bashkë me vëllanë e saj.

Videoklipi i këngës “Hajt” është xhiruar në Prishtinë, ndërsa realizimin e ka bërë produksioni “Pixels”.