Greta u kthehet festivaleve

Këngëtarja Greta Koçi do të garojë sërish në festivalin "Kënga Magjike", edhe pse kishte thënë se nuk do të ishte kurrë më pjesë e këtij festivali.
Herën e fundit në festivalin “Kënga Magjike”, Greta kishte konkurruar me këngën “Kam mall”, para tre vitesh, me ç’rast nuk ishte përfshirë as në finale, prandaj nga zhgënjimi kishte vendosur të mos garonte më në këtë festival.

Mirëpo, shtojca “Panorama Plus” njofton se para disa ditësh, Greta ka bërë kërkesë te organizatorët e festivalit që të jetë pjesë e tij në edicionin e radhës.