Këmbëzbathuri kalon 30 kilometra rrugë mbi xhama të copëtuar

Një burrë nga Yorkshire ka vendosur rekord të ri botëror duke kaluar 30 kilometra nëpër rrugë të mbuluar me xhama të thyer, e krejt këtë e ka bërë për qëllime bamirësie.
Guximtari 56-vjeçar Nigel Jardine nga qyteti i Leedsit ka kaluar këmbëzbathur 1.060 metra për një orë, me të cilën gjë ka thyer rekordin e mëhershëm prej 960 metrash. Më vonë ai ka vazhduar udhëtimin e gjatë prej 27.5 orësh për rekord tjetër dhe ka bërë 30 kilometra gjithsej.

"Jam mësuar të ecë nëpër xhama të thyer”, ka thënë garuesi, të cilit i janë lejuar pauzat prej pesë minutash pas çdo ore, e më pas me nga një pije, vizita në tualet apo pushim në formë të shtrirë, shkruan gazeta britanike “The Telegraph”.

Në këtë mënyrë ai i ka ndihmuar organizatës “Action for Children” e cila u del në ndihmë fëmijëve. Jardine ka deklaruar se është shumë i lidhur me këtë organizatë, sepse si fëmijë edhe ai ka qenë i keqtrajtuar fizikisht si në shkollë ashtu edhe në shtëpi.

ncncn as 1 meteer sun eci e aj 30 metra kuku