Zjarr në kompleksin e hoteleve në Shëngjin

Një kompleks hotelesh në Shëngjin u përfshi mbrëmë vonë nga flakët, të cilat shkrumbuan tërësish një hotel dhe shkaktuan dëme të shumta materiale, por për fat pa viktima në njerëz.
Policia është duke hetuar për shkaqet e zjarrit shkatërrues, por ende nuk ka mbërritur në një konkluzion të saktë. Dyshimet kryesore janë për një shkëndijë elektrike, pasi vetë pronari ka pohuar se gjatë asaj periudhe ka pasur shumë luhatje tensioni, por nuk përjashtohet edhe ndonjë zjarr i qëllimshëm.

Ngjarja ndodhi në kompleksin "Inxheritor" në Shëngjin, ku pronarët kanë thënë se dëmi ka qenë mbi 2 milionë dollarë.

Zjarrfikëset mbërritën me urgjencë, por flakët kanë qenë të mëdha dhe era ka favorizuar përhapjen e tyre. Sipas forcave zjarrfikëse në kompleks ka pasur 2 bombola me nga 1 mijë litra gaz, të cilat shpërthyen me shumë forcë. /Shekulli/