Më e bukur, Adelina apo Agnesa?

Që të dyja mbajnë emrin e më të bukurave të Kosovës, të shpallura në konkurset e organizuara ndër vite. Adelina Ismajli, këngëtarja që ka provuar edhe pasarelat e bukurisë, është “Miss Koosva 1997”, ndërsa Agnesa Vuthaj është “Miss Kosova 2003”. Që të dy vajzat e bukurisë shqiptare janë gjendur bashkë në konkursin “Miss Kosova 2008”, ama jo si konkurrente, por në cilësinë e mysafireve. Ndonëse Adelina Ismajli tanimë më shumë njihet si këngëtare, në një moment ajo është ndier përsëri miss, pasi ka qenë e ftuara e nderit për të dorëzuar kurorën e bukurisë në “Miss Kosova 2008”. Ndërsa Agnesa ka qenë në krah të saj, edhe pse spektakli nuk mbante firmën “Agnesa Vuthaj Asociacion”. Po cila ka qenë më e bukura e mbrëmjes? Ndonëse kanë shndritur, për asnjërën prej tyre, as për Adelinën e as për Agnesën, nuk ka pasur çmim, sepse ai i ka takuar Zana Krasniqit. Të paktën atë natë Zana ka qenë mbretëresha e bukurisë. Tani Zana Krasniqi po jeton në ShBA, ku po zhvillon karrierën e saj si modele e kompanive të modës atje.