Big Brother: Largohet Bledi, zbulohet misioni i Enxhit

Spektakli i te shtunës ka qenë plot emocione. Befasi të forta janë përjetuar brenda shtëpisë dhe nga publiku.
Pas shumë vitesh, i ati i Seldit, i ka shkruar një letër, të cilën ia ka përcjelle përmes videomesazhit. Seldi është prekur nga letra, por nuk ka dashur të komentojë gjë.
Bledi është larguar nga shtëpia, ndërsa misioni i Enxhit është zbuluar.
Bledi ka qenë banori i radhës që ka lënë shtëpinë e “Big Brother”. Publiku ka vendosur që lojën ta vazhdojë Hakiu dhe Jetmiri. Dalja e Bledit është komentuar si e papritur, por kjo është shpjeguar me faktin se ai ka hyrë vonë në shtëpi.
Për publikun, Enxhi ishte thjesht një e infiltruar nga “Vëllai i Madh”, për t’i dhenë më shume dinamike ngjarjeve. Por nuk ka qenë e njëjta gjë për banorët. Pas dy javësh qëndrimi në shtëpi, “Vëllai i Madh” ka vendosur që të zbulojë misionin e Enxhit.