Hekuran në Top Fest 7

Këngëtari Hekuran Krasniqi merr pjesë në festivalin Top Fest 7 me këngën “Gjeografia e jetës sime”. Hekurani ka thënë se tekstin e këngës ia ka shkruar Qerim Pllana, derisa muzikën e ka realizuar në studion e tij “By Heki”.
“Duke qenë se organizatorët e “Top Fest”-it më ftuan që të marr pjesë në festival, edhe unë e kisha një tekst aq të bukur nga poeti Qerim Pllana dhe me muzikë të cilën e kam punuar aq me përkushtim, vendosa të jem pjesë e këtij edicioni”, ka thënë Krasniqi.
“Teksti i këngës flet për autostradën që lidh Kosovën me Shqipërinë, por fatkeqësisht realiteti në Shqipëri flet ndryshe. Atje të gjitha gjërat kthehen në çështje politike. Unë këtë këngë nuk e kam bërë me prapavijë politike, por thjesht për atë vepër të madhe që është bërë që ne shqiptarët të jemi sa më afër njëri-tjetrit”, ka shtuar ai.
Kjo këngë si duket ka shqetësuar disa individë të cilët janë kundër punës së një vepre të madhe që është bërë. Ish organizatori i këtij festivali, Bojken Lako, i cili vetëm pse është parë si pjesë e një kënge që është kënduar nga disa artistë në promovimin e autostradës është larguar nga puna ka thënë Hekuran Krasniqi .