Adrian Gaxha jeton në vilën një milionë euroshe

Adrian Gaxha, ka ndërtuar “mbretërinë” e tij në një lagje elite të qytetit të Shkupit. Sipas shqiperia.com, në një hapësirë prej 452 m2 është ndërtuar një vilë e madhe me rrethim të lartë 2 metra, kurse si pronar legjitim figuron emri i këngëtarit Adrian Gaxha.
Në hapjen solemne, ai ka organizuar dhe një ndejë me miqtë e tij. Porta e hyrjes në fillim, ngjason sikur ato portat e vilave që kanë yjet e njohur botërorë.
Shtëpia brenda është e rregulluar sipas dëshirës dhe shijes së këngëtarit.
E vendosur në dy kate, me katër dhoma gjumi dhe katër banja, me orendi italiane, tre dhoma dite dhe një kuzhinë të madhe, që ngjason si një apartament dy dhomësh, më tej salla për vallëzim, studio muzikore së bashku me dhomën e incizimit janë gjithçka mund të gjesh në folenë superluksoze të këngëtarit.
Ndërkohë, jashtë shtëpisë gjendet oborri i madh, ndërsa pas shtëpisë është pishina. Afër pishinës është planifikuar që gjatë verës të vendoset një mini-kinema e vogël, në të cilën familjarët e këngëtarit dhe ai vetë do të kënaqen në shoqëri të filmave nën qiell të hapur.
Po të bëhet një llogari e përciptë, për gjithë këtë vilë dhe orenditë brenda, janë investuar hiç më pak se një milion euro.