Skype 5.0 beta me videokonferenca

Shfrytëzuesit e Windowsit mund të provojnë beta versionin e IM aplikacionit Skype 5.0, që tani sjell mundësinë e kryerjes së videothirrjeve konferencë. Të interesuarit mini-konferencën mund ta organizojnë me edhe katër shfrytëzues të tjerë, të cilët poashtu duhet të instalojnë këtë beta. Skype tërheq vërejtjen që kjo mundësi në beta është pa pagesë, por kur të paraqitet versioni i plotë kjo mundësi do të bëhet pjesë e paketit premium çmimi i të cilit nuk dihet akoma.
Kjo kompani është duke hulumtuar mundësi të reja financimi, kështu që përveç shërbimeve të reja me pagesë në versionin e ardhshëm mund të presim edhe mënyra të reja të paraqitjes së reklamave. Thirrjet ekzistuese VoIP të Skype si dhe video chati një-me-një edhe më tutje do të jenë pa pagesë. Beta versioni i Skype 5.0 mund të merret nga sajti zyrtar tani për tani vetëm për Windows, kurse versionet për Mac dhe Linux do të jenë në disponim më vonë.