Shkëlqen Argjentina, fitore 4-1

Spektakël dhe shumë gola, kështu mund të përshkruhet me pak fjalë ndeshja Argjentinë-Koreja e Jugut, ku djemtë e Diego Maradonës shpalosën të gjithë potencialin dhe provuan se ekipi i tyre e meriton të konsiderohet favorit për trofeun e Botërorit 2010.

Ishte Park Chu-young, që me një autogol i dhuroi avantazhin Argjentinës, në minutë ’30. Por nuk vonoi shumë goli tjetër në favor të skuadrës argjentinase, i shënuar nga Gonzalo Higuain. Sulmuesi, i cili luan tek Real Madrid dhe njihet si "El Pipita", shënoi edhe 2 gola të tjerë, duke realizuar tripletën e parë të këtij botërori.

Goli i vetëm i Koresë së Jugut u arrit nga Lee Chung-yong, i cili shfrytëzoi një gabim të mbrojtjes argjentinase.

Argjentina merr kryesimin e Grupit B me 6 pikë, e ndjekur nga Koreja e Jugut me 3 pikë.