Loew: Spanja kampione

Pasi skuadra e tij humbi 1-0 në gjysmëfinale, trajneri i Gjermanisë parashikoi se Spanja do të fitojë për herë të parë Kupën e Botës, në finalen me Holandën.

“Spanjollët kanë një skuadër fantastike. Janë mjeshtrat e lojës. Mund ta shikoni në çdo pasim. Janë shumë të qetë dhe bindës. Spanja ishte më mirë se Gjermania dhe e meritoi plotësisht fitoren”, deklaroi Joachim Loew.

Trajneri i Gjermanisë shtoi se gjatë 2-3 viteve të fundit, Spanja ka patur një ndër ekipet më të mira në botë. Sipas tij, finalja e të dielës do të jetë në favor të spanjollëve, duke shprehur besimin se ata do të ngrenë trofeun dhe do të shpallen Kampionë të Botës.