Neuer: Duhej më shumë kurajo

Portieri i Gjermanisë, Manuel Neuer u shpreh se ekipit të tij i mungoi kurajoja e nevojshme për të mundur Spanjën në gjysmëfinalen e Kupës së Botës. Sipas tij, kjo humbje duhet të shërbejë për të nxjerrë një mësim të vlefshëm.

“Organizimi dhe taktikat e Spanjës janë krejt ndryshe nga tonat. Kur sulmojnë, të gjithë spanjollët dalin përpara, ndërsa kur mbrohen, të gjithë kthehen prapa dhe qëndrojnë të bashkuar”, tha Neuer.

Portieri i Gjermanisë u shpreh se skuadra e tij duhej të tregonte durim dhe përmbajtje në fushë, por ndoshta do të ishte më mirë sikur të kishte rrezikuar më shumë.