Pato, 800 mijë euro në vit për ish-bashkëshorten

Sao Paolo, 16 korrik - Alexandre Pato duhet t'i dorëzojë aktores braziliane Stephany Brito një çek vjetor të barabartë me 20 për qind të ardhurave të tij vjetore.
Në total nga shuma që zotëron aktualisht futbollisti 23-vjeçar, ish-bashkëshortes duhet t'i japë në vit rreth 800 mijë euro.

Sipas Top Channel, vendimi është dhënë nga gjykata, ndërsa pritet që futbollisti ta apelojë atë.

Avokatëi mbrojtës i futbollistit e quan vendimin absurd, pasi martesa e çiftit zgjati pak, nga lidhja nuk pati fëmijë dhe Sthefany nuk është një person që ndodhet në vështirësi fizike apo mendore për të mbajtur veten e saj.