Haradinaj në Hagë për arsye procedurale

Prishtinë, 20 korrik - Kryetari i Aleancës për Ardhmërinë e Kosovës, Ramush Haradinaj, ka udhëtuar sot në Hagë, njofton shërbimi për informim i Aleancës për Ardhmërinë e Kosovës. Ai do të merr pjesë në seancën e vendimit të apelit, që do të shpallet nesër, të mërkurën, në Gjykatën Ndërkombëtare të Hagës.

Prezenca e kryetarit Haradinaj në këtë seancë është procedurale, thuhet në një njoftim të AAK-së.

Në vendimin e Trupit Gjykues të Gjykatës Ndërkombëtare të Hagës, të datës 3 prill 2008, kryetari i AAK-së dhe ish-kryeministri Haradinaj, është shpallur i pafajshëm dhe është liruar nga të gjitha akuzat.