Poulsen në vend të Mascheranos te Liverpooli

Liverpool, 24 korrik - Trajneri i Liverpoolit, Roy Hodgson, do të bëjë përpjekjen e fundit që ta mbajë në klub mesfushorin Javier Mascherano, shkruan "goal.com", të premten. Në rast se Hodgson nuk ia del ta ndalë Mascheranon dhe ky vendos ta braktisë klubin, opsioni për zëvendësimin e tij në mesfushën e klubit anglez do të jetë danezi që aktivizohet te Juventusi, Christian Poulsen. Për shërbimet e Javier Mascheranos interesim të madh është duke treguar skuadra kampione e Italisë, Inter.