Forlan ëndërron të luajë për Interin

Madrid, 10 gusht – Sulmuesi i Atletico Madridit dhe i kombëtares së Uruguait, Diego Forlan i është përgjigjur disa spekulimeve të medieve se kampioni evropian Inter është shumë i interesuar për ta sjellë në radhët e veta.

“Interi është vërtetë klub i madh. Vitin e kaluar ka fituar tre trofe të mëdha dhe arritja e kësaj për një sezon dhe në atë mënyrë nuk është gjë e vogël. Kur më pyesin se çka mendoj për atë se Massimo Moratti dëshiron të më shohë në Inter, atëherë duhet të them se deri tani asnjë kontakt nuk kam pasur me krerët e kampionit evropian. Por, duhet të pranoj se të luash për një klub të nivelit aq të lartë, do të ishte sikur të shihja në ëndërr”, ka thënë lojtari më i mirë i Kampionatit Botëror të mbajtur në Afrikën e Jugut.