Martohet Nazi

Këngëtari i grupit “Aurora”, Nazi, do të martohet gjatë këtij muaji, pikërisht më 19 shtator, ndërsa bëhet e ditur se ai tashmë ka filluar të shpërndajë ftesat e dasmës.

“Nuk planifikoj të kem shumë mysafirë, por as pak. Nuk kam ftuar shume veta nga muzika, as nga politika.

Mendoj të bëj një dasmë që orientohet te familja ime e ngushte dhe e gjerë, nuk dëshiroj të bëj publike numrin e të ftuarve, por mendoj se është i arsyeshëm”, ka thënë këngëtari për të përditshmen “Zëri”.

Për të argëtuar të pranishmit në dasmë do të përkujdeset këngëtari Labinot Tahiri, i cili është mik i afërt i Nazit.