Endrra e Genta Ismailit

Edhe ata që i kanë të gjitha, ëndërrojnë. Listës së ëndërrimtarëve i bashkohet edhe këngëtarja Genta Ismaili.

Ndonëse ka jetuar për vite me radhë në Amerikë, mundësia për të qenë e pranishme me muzikën e saj atje duket se është e pakët. Disa shpresa të vaktë i jepeshin kohë pas kohe, por asgjë konkrete.
Këngëtarja ka deklaruar se po tenton edhe më tej që produksionet e saj t’i lançojë në tregun ndërkombëtar. Toka e ëndrrave duket se nuk është edhe toka e mundësive të mëdha për sukses.

Pritet që shumë shpejt këngëtarja të hedhë në treg disa këngë te reja të cilat do të jenë të destinuara për tregun ndërkombëtar, për këtë qëllim ato po punohen edhe në gjuhën angleze.