Eliza bëhet Ambasadore

Këngëtarja nga Kosova, Eliza Hoxha tanimë është ambasadore nderi për mjedisin në Kosovë.

Eliza, së fundmi ka punuar në realizimin e projektit muzikor të titulluar ‘E dua këtë vend’, një këngë dhe video që shpalos brengën për mjedisin kosovar dhe thërret për më shumë dashuri dhe kujdes.
Dhe për këtë përkushtim, këngëtarja është vlerësuar nga Lëvizja ‘BELLS’ (Balkan Environmental Life Leadership Standards), e cila ka çertifikuar pak ditë më parë pesë ambasadorë nderi për mjedisin në Kosovë, mes të cilëve renditet edhe Eliza. “

Kjo është për vullnetin e mirë dhe punën që ne kemi bërë në ngritjen e vetëdijes për mjedisin në Kosovë”, ka treguar këngëtarja Hoxha për një media kosovare. Më tej Eliza ka shtuar: “Mua më kanë zgjedhur nga sfera e kulturës për shkak të këngëve ‘Homazh për Prishtinën’ dhe ‘E dua këtë vend’”.

Ndërkohë, këngëtarja i është përkushtuar punës për publikimin e materialeve të reja muzikore, pasi ajo aktualisht është në përfundim të albumit të saj të tretë.