Bleona nxjerr në shitje “Show Off”

Më në fund përpjekjet e Bleonës për t’u bërë prezent në tregun amerikan duket se po marrin udhë.

Këngëtarja ka publikuar në gjuhën angleze singlën “Show Off”, të cilën më parë mund ta keni dëgjuar dhe në faqen zyrtare të Bleonës online.
Kënga mund të blihet në dy prej dyqaneve virtuale më të njohura online i Tunes dhe Amazon për $0.99. Në kopertinën e singlës, Bleona shfaqet e veshur me një fustan të tejdukshëm dhe me flokë xixëllues që të kujtojnë stilet e diskotekave të viteve ’80-’90.

Kënga në përgjithësi është ok dhe ka pak a shumë të njëjtin stil dhe ritëm muzikor si këngët ritmike të Britney Spears. Ende nuk dihet, nëse këngëtarja do të publikojë dhe një video për këtë këngë.