3 VJET SHTET

Kosova po rritet. Si sot para 3 vitesh, sytë e këtij populli u drejtuan kah Kuvendi i Kosovës, ku më në fund do të bëhej realitet ëndrra e madhe e secilt prej nesh – mëvetësia e kësaj toke.

Më 17 shkurt 2008, Kosova u bë lajm i botës për vendimin historik. Entuziazmi që përjetohet veç njëherë në jetë shpërtheu në secilin skaj të mundshëm të vendit. Ishte festa që duhej të ndodhte.

Por, realiteti i hidhur trokti më shpejt sesa që pritej. Ndryshimi ishte krejt formal. Mirëqenia e kosovarëve nuk u përmirësua. Më shumë vende pune nuk u hapën. Çmimet u shtrenjtuan. Veriu nuk po kontrollohet. Por, u shtruan rrugë. Dhe, u hapën shkolla të reja.

Në të shumtën e kohës, kemi mbetur duke numëruar njohjet. Për 3 vjet janë bërë 75. I bie 25 për vit. Sot, secili pritet të festojë për vete. Institucionet që s’janë zgjodhën të pushojnë – njëmend. Prapë, është energjia qytetare dhe besimi i secilit ajo që mbanë këtë vend. Që kjo pavarësi do të ketë ditë më të mira për të jetuar. Portali Indeksonline në Prishtinë ua uron të gjithë kosovarëve kudo që janë 3 vjetorin e pavarësisë.