Reali vazhdon të shpresojë

Me rezultat prej 3-0, Real Madridi e ka mposhtur Athletic Bilbaon në takimin e zhvilluar të shtunën në Estadio San Mames.
Mbretërit nuk ishin dominues në gjysmën e parë mirëpo arritën të realizojnë një gol. Ndërhyrjen e portierit Iraizoz në Angel Di Marian, arbitri e dënoi me penallti, ndërsa i saktë nga pika e bardhë ishte Ricardo Kaka (14’).

Di Maria nxori një penallti edhe në pjesën e dytë, ndërsa ishte sërish Kaka lojtari që mori përgjegjësinë për të dyfishuar rezultatin.

Lojtari më i mirë i Realit, Cristiano Ronaldo, ngriti epërsinë në 3-0 (70’) dhjetë minuta pasi u inkuadrua në lojë.

Me këtë fitore, Los Blancos ngushtojnë në pesë pikë diferencën me Barcelonën që takimin e javës së 31-të ë zhvillon kundër Almerias.