Arsenali, spastrim lojtarësh gjatë verës

Menaxheri i Arsenalit, Arsene Wenger, besohet se është duke planifikuar shitjen e disa prej lojtarëve të përbërjes së parë, pas sezonit sipas të gjitha gjasave të gjashtin pa fituar trofe- njofton Daily Mail.
Wenger besohet të ketë humbur durimin me disa prej futbollistëve, ndërsa ndër emrat që pritet të largohen janë Nicklas Bendtner dhe Gael Clichy të cilët kanë shfaqur formë të tmerrshme. Pos këtyre, në listën e ‘zezë’ të Wengerit janë edhe Denilson, Rosicky, Arshavin, Eboue, Almunia dhe Diaby.

Natyrisht, me paratë nga shitjet e lojtarëve të lartpërmendur, francezi mendon të transferojë Eden Hazard, Phil Jones, Alex Oxlade-Chamberlain, Leighton Baines dhe Manuel Neuer.