Bertani vazhdon karrierën në Turqi?

Bertan Asllani


Pasi e njeh mirë gjuhën turke dhe ka një stil të të kënduarit të ngjashëm me atë të skenës muzikore turke, këngëtari Bertan Asllani dëshiron ta provojë veten edhe në tregun turk të muzikës.
Këngëtari nga Maqedonia nuk e ka problem të flasë dhe komunikojë në gjuhën turke, madje mbase më mirë se në gjuhën shqipe. Problem edhe më i vogël për të do të jetë të këndojë në turqisht, duke ditur që prej ai tashmë disa vite është edhe në tregun shqiptar me hite të shumta.

Ndryshe nga Big Mama që ka realizuar vetëm një këngë me video në gjuhën turke, Bertani ka nënshkruar kontratë afatgjatë dhe do të realizojë një album të tërë me një produksion turk. Produksioni në fjalë ka kontratë edhe me njërin prej yjeve më të njohura të muzikës turke, Tarkan.