Basha udhëheq garën me 638 vota më shumë se Rama

Kandidati i mazhorancës Lulzim Basha vazhdon të udhëheqë garën për Tiranën, me 638 vota më shumë se kandidati i opozitës Edi Rama.
Procesi i votimit ka përfunduar në 10 nga 11 njësitë dhe pritet të vazhdojë në njësinë nr.5 e cila është e fundit. Sipas KQZ-së, nga 485 kuti votimi gjithsej janë numëruar 469 dhe rezultatet e kandidatëve janë 118.711 për Ramën dhe 119632 për Bashën.

Sipas shifrave të dhëna nga TCH, aktualisht Rama ka 120.176 ndërsa Basha 120.814, që do të thotë se diferenca është vetëm 638 vota. Kanë mbetur pa u numëruar 16 kuti të cilat do të vendosin përfundimisht fituesin.