Gerrard i ngazëllyer me caktimin e Dalglish

Steven Gerrard thotë se Liverpooli tash mund të ecë përpara, pas caktimit të djeshëm të Kenny Dalglish si menaxher të përhershëm.
Dalglish dhe asistenti i tij Steve Clarke, që të dy kanë nënshkruar marrëveshje trevjeçare pasi kanë bërë një përmirësim dramatik për të ardhmen e klubit, pasi zëvendësuan Roy Hodgson në janar.

“Është një lajm fantastik dhe një lajm të cilin gjithkush i lidhur me klubin e ka pritur. Kenny ka ngritur vendin, tifozët, lojtarët dhe çdokënd të lidhur në klub dhe tash ne të gjithë mund të shikojmë përpara për të sjellë të ardhmen”, ka thënë Gerrard.