Linda Halimi: Si u takova me Britney Spears në Amerikë

Linda Halimi disa ditë më parë është takuar me një nga yjet botërore të muzikës në Amerikë, pikërisht me Britney Spears.
Linda në një intervistë për “Summer Pages” ka rrëfyer takim me këngëtaren e famshme.

“Po është e vërtetë, jam takuar. Hëngrëm një drekë të shkurtër bashkë. Ajo ishte e shoqëruar nga e motra, ndërsa prindërit qëndronin në anën tjetër, për të mos na penguar neve. Ishte shumë komunikative dhe e dashur, më ka bërë vërtet shumë përshtypje”, ka thënë Linda.

Linda Halimi ka treguar se kishte rënë në kontakt me Britney-n dhe me familjen e saj në rrjetin social Facebook dhe pas shkuarjes në Amerikë ajo ishte takuar me të.

“Isha njoftuar me ta në Facebook dhe u tregova që do shkoja në Amerikë. Rezultoi që ishin të vërtetët, (familjarët e Britney-t dhe ajo vetë). Kur i kam takuar, s’u besoja dot syve. Kam bërë edhe foto, por ende nuk më ka dhënë leje babai i saj për t’i publikuar”, ka thënë Linda.