Korab Shaqiri i këndon publikut

Korab Shaqiri, i cili sapo ka lansuar këngën “Për ty”, ka thënë për “Zëri se këtë këngë i ka kushtuar publikut dhe nuk ka të bëjë asgjë me jetën e tij personale.
“Kënga quhet ‘Për ty’, por edhe pse mban këtë titull nuk ka të bëjë asgjë me jetën time personale. Këtë këngë ia kam dërguar publikut, respektivisht adhuruesve të mi që më mbështesin kudo”, ka thënë ai.

Korabi ka treguar se është ndarë shumë i kënaqur me suksesin e kësaj kënge dhe është i gëzuar që po pëlqehet nga publiku.

“Si kënga ashtu edhe videoklipi po pëlqehen mjaft shumë në publik. Meritë të madhe ka produksioni dhe regjisori Nehat Fejza. Videospotin e kemi xhiruar në një kafiteri të kryeqytetit, në një ambient të mbyllur”, ka treguar më tej Korab Shaqiri.