Eliza Dushku lëvdon Capital T

Aktorja shqiptare me famë botërore e cila ka qëndruar ditëve të fundit në Kosovë, Eliza Dushku ka lëvduar reperin e ri kosovar, Capital T për performancën e tij.
Eliza Dushku së bashku me të dashurin Rick Fox, valltarin Toni Dovolanin dhe fotografin Fadil Berisha kanë qëndruar në Duplex Club mbrëmjen e kaluar, kurse pa fjalë nga performanca e Capital T mbeti aktorja, e cila në Twitter pos lëvdatave, shpërndau te një milion ndjekësit e saj këngën “U bo Von”.

“Artisti më hot i Kosovës, Capital T, këndoi “U Bo Von” në një performancë ‘live’ në Duplex. Dëgjoni këngën në link”, shkroi Eliza në Twitter.

Eliza Dushku së bashku me fytyrat tjera të njohura shqiptare në skenën ndërkombëtare kanë qëndruar në trojet shqiptare ditët e fundit për të realizuar një dokumentar në shenjë të promovimit të turizmit.