Kënga Magjike, Alban Skënderaj favorit

Festivali “Kënga Magjike 2012” do ta ketë natën finale të ndarjes së çmimeve të shtunën (10 nëntor) në një spektakël që do të mbahet në Tiranë.
Artistët konkurrentë janë përfshirë tashmë nga ethet e garës, pasi do t’u duhet ta zgjedhin fituesin nëpërmjet votave të tyre.

Favoriti kryesor për të fituar këtë edicion të “Kënga Magjike” mendohet të jetë këngëtari Alban Skënderaj me baladën “Refuzoj”, ndërsa për çmimin e internetit dihet tashmë që kryeson Adrian Gaxha me bashkëpunimin e tij me Florianin, me këngën “Ngjyra e kuqe”.