Inva Mula kërkon divorcin në gjykatë

Sopranoja e famshme shqiptare Inva Mula ka filluar procedurën ligjore për t’u shkurorëzuar nga Pirro Çako, njofton gazeta "Panorama".
Mula e ka dërguar kërkesëpadinë në Gjykatën e Tiranës, mëngjesin e të hënës dhe pas kryerjes së procedurave institucionale i është dorëzuar të martën gjykatëses së çështjeve familjare dhe aktualisht dosja është në statusin e shqyrtimit.

Burime nga procesi pohojnë se padia është firmosur vetëm nga kërkuesja Mula, ndërsa i padituri sipas ligjit pritet të njihet me padinë nëpërmjet gjykatës.

Një kohë të gjatë është spekuluar për ndarjen e dy artistëve, ndërsa tani sopranoja ka kërkuar zyrtarisht ndarjen nga bashkëshorti i saj pas 20 vitesh martesë, dhe krejt çka është e nevojshme për zyrtarizimin e këtij divorci, është nënshkrimi i këngëtarit Çako.