Çani: Mos i thuaj njeriu- për t’i thënë

Prezantuesi i njohur nga Shqipëria, Arjan Çani, ka filluar shfaqjen teatrale "Ej, mos i thuaj njeriu!", me ç’rast për më shumë se një orë flet me publikun për gjërat të cilat s’ka mundur t’i thotë në televizion (ë emisionin e tij "Zonë e lirë"). Ndërsa emërtimi i këtillë i shfaqjes, sipas Çani është për të pasur efektin e kundërt thënia "Mos i thuaj njeriu".
Thelbi i këtij shou teatral është rrëfimi dhe ç'mitizim i disa fenomeneve moderne të jetës sonë të përditshme. Një këndvështrim provokues, origjinal dhe subjektiv që autori e ndan me publikun në sallë.

“Në fakt në thelb është thjeshtë një mënyrë për të intriguar. Sepse kur i thua dikujt mos ja thuaj, është e sigurt që ta thotë. Unë aty them ca gjera, dhe në fund fare them: ‘Shiko ju nuk do të thoni se Çani është në shfaqe dhe për këtë që dëgjuat këtu sonte, mos i trego askujt...’ Ky është një dialog interaktiv. Unë komunikojë me publikun herë pas herë”, ka thënë Çani në një intervistë për gazetën “Shekulli”.