Artës nuk i pengon xhelozia e të fejuarit

Këngëtarja Arta Bajrami, e cila po bën një jetë ndërmjet Kosovës dhe Gjermanisë ku ndodhet i fejuari i saj, thotë se xhelozia është normale te njeriu që të do dhe se kjo nuk e pengon në karrierën e saj.

“Një njeri që të do, ai xhelozon. Është një gjë e shëndoshë nëse nuk teprohet”, ka thënë Arta në një intervistë për “Panorama Plus”.

E pyetur nëse kjo gjë i pengon në karrierë, Arta shprehet: “Jo aspak, nuk diskutohet kjo punë asnjëherë. Nuk kam pasur, nuk kam dhe nuk do kem asnjë pengesë në vazhdimin e karrierës time por vetëm përkrahje. I fejuari im është krenar për mua dhe karrierën time dhe ai vetëm se më shtyn që të shkoj përpara”